Известување до клиенти поврзано со мерките и препораките за превенција и заштита од COVID-19 (Корона вирус)

11.03.2020

Почитувани клиенти, 

Во согласност со препораките и Одлуката на Владата на Република Северна Македонија поврзани со спречување на ширење на КОВИД19 или попознат како Kоронa вирус, Штедилница Можности воведува низа мерки за превенција и заштита на вработените и на клиентите на Штедилницата. 

Во таа насока, Ве советуваме:

– ограничете ги Вашите посети во експозитурите и централата на Штедилницата. Доколку имате неодложна потреба, имајте во предвид дека на сите наши локации се обезбедени средства за дезинфекција кои може да ги користите при посетата.

– избегнувајте директен и близок контакт, ракување и долго седење во просториите на Штедилницата, или во било какви затворени простории, а посебно простории каде има значителна фрекфенција на луѓе.

– На располагање Ви стојат нашите вработени кои може да ги контактирате на телефонските броеви на експозитурите, или на мобилните телефони со кои располагаат, објавени на веб страницата на Штедилницата.

– користeте го електронското банкарство на Штедилницата за било какви информации во врска со Вашите кредити или депозити. Користете ги веб страната www.moznosti.com.mk и официјалната Facebook страна на Штедилницата за било какви информации во врска со локација, работно време, контакт телефони и слично. 

Штедилница Можности се грижи за Вас и за Вашата безбедност и Ви стои на располагање за сите Ваши потреби.

Ви благодариме на разбирањето.

Со почит,
Штедилница Можности