Штедилница Можности со забавни активности по повод светскиот ден на штедење

Денес се одбележува Денот на Штедење 31 Октомври и по овој повод  штедилница Можности организира разни активности во кои се вклучени нашите експозитури низ земјава.

Целта е дружба со најмладите и нивна едукација во насока на истакнување на  важноста на штедењето и управувањето со финансиите.

Нашите колеги од Струмица ја посетија градинката “Виножито” во Струмица, каде што низ интерактивни игри, забавни примери и практични совети, децата се запознаа со концептот на планирање и управување со парите, развивајќи позитивен однос кон штедењето.

Во исто време, нашата експозитура во Лептокарија ја посетија учениците од VI одделение од основното училиште “Војдан Чернодрински” од Скопје, додека експозитурата во Битола им посака топло добредојде на дечињата од градинката “Пролет”.

Децата имаа прилика да ги видат просториите на штедилницата и низ различни интерактивни активности и игри, да се запознаат со различните услуги што ги нуди штедилницата, важноста на штедењето и како да управуваат со своите средства на одговорен начин.

На крај сите дечиња добија соодветни поклони во знак на сеќавање од нивното дружење со штедилница Можности.

Благодариме на сите дечиња и наставници за нивниот ентузијазам и поддршка! Се надеваме дека овие активности ќе остават траен впечаток и ќе ги инспирираат децата да размислуваат за својата финансиска иднина.

#ДенНаШтедење #Можности #Образование #ФинансискаПисменост

Градинка Виножито, Струмица

Градинка Пролет, Битола

ООУ Војдан Чернодрински, Скопје